Вы тут

У іх ёсць долары, але з намі бог. Эрдаган адрэагаваў на падзенне ліры

Фота: Reuters

"Не забывайце, у іх ёсць долары, але з намі наш народ, наш бог. Мы шмат працуем. Паглядзіце, што з намі было 16 гадоў таму, і дзе мы цяпер", — так прэзідэнт Турцыі Рэджэп Таіп Эрдаган адрэагаваў на рэкорднае падзення курсу турэцкай ліры да долара, паведамляе Reuters.

Курс ліры ў Турцыі абнавіў гістарычны мінімум на таргах 9 жніўня. Яшчэ ў красавіку за долар давалі 4 ліры, цяпер курс — 5,42 ліры за адзін даляр ЗША. З пачатку года дэвальвацыя ў Турцыі склала 29%.

Усё гэта адбылося праз санкцыі ЗША. Туркі адмовіліся адпусціць амерыканскага пастара Эндру Брансана, якога падазраюць у шпіянажы і сувязі з прыхільнікамі Фетулаха Гюлена. Пасля гэтага Вашынгтон увёў санкцыі супраць Турцыі.