Вы тут

На Дзень Перамогі па поўдні Беларусі чакаюцца навальніцы

Фота: БЕЛТА

9 траўня ў Беларусі прагназуецца пераменная воблачнасць, інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Будзе пераважна без ападкаў, толькі днём у асобных раёнах па поўдні краіны чакаюцца невялікія кароткачасовыя дажджы, навальніцы. Вецер будзе паўночна-ўсходні, усходні 5-10 метраў за секунду, пры навальніцах — парывы ​​да 14 метраў за секунду.

Уначы тэмпература паветра будзе +8...+14, па поўначы — толькі 5-7 градусаў цяпла. Удзень сіноптыкі абяцаюць 22-28 вышэй за нуль.