Вы тут

Лукашэнка адправіўся з візітам у Кітай

Фота: Reuters

Аляксандр Лукашэнка накіраваўся з працоўным візітам у Кітай, паведамляе яго прэс-служба. Ён прыме ўдзел у пасяджэнні Савета кіраўнікоў дзяржаў Шанхайскай арганізацыі супрацоўніцтва (ШАС). 

Самалёт беларускага кіраўніка вылецеў з Нацыянальнага аэрапорта Мінск.

Саміт ШАС пройдзе ў кітайскім горадзе Цындао. Лукашэнка агучыць пазіцыю і прапановы Беларусі наконт развіцця гэтай арганізацыі. Чакацца таксама, што ён выкажа прапановы на тэму ўмацавання бяспекі ў Еўразійскім рэгіёне.

У кіраўніка Беларусі запланаваны шэраг двухбаковых сустрэч з кіраўнікамі дзяржаў — удзельніц саміту. Мяркуецца, што Лукашэнка сустрэнецца са Старшынёй КНР Сі Цзіньпінам, тамсама анансавалася сустрэча з прэзідэнтам Манголіі Халтмаагійнам Батулгой.