Вы тут

Каля Оршы размініравалі чыгуначны мост, выбухоўку заклалі яшчэ ў вайну

Фота:  в/ч 5524

У Аршанскім раёне размініравалі чыгуначны мост (на 89-м кіламетры перагону Орша — Чэрвіна). Як інфармуе БЕЛТА, выбухоўку маглі закласці савецкія байцы яшчэ ў Другую сусветную вайну. На выпадак, калі будзе неабходнасць яго ўзарваць (але свае планы з нейкай прычыны не рэалізавалі). На тратылавыя шашкі натрапілі падчас рамонтна-будаўнічых працаў на мосце, калі рабочыя знялі рэйкі. На месца выклікалі сапёраў, якія знайшлі 54 тратылавыя шашкі. Іх вывезлі ў бяспечнае месца і знішчылі.

Фота: в/ч 5524