Вы тут

Чатырохгадовы хлопчык у Бешанковічах выпіў воцатнай кіслаты

Фота: hloptarakan.ru

Няшчасны выпадак з малалетнім дзіцем здарыўся 6 ліпеня ў Бешанковіцкім раёне Віцебшчыны, паведамляе прэс-служба Следчага камітэта.

Двое непаўналетніх дзяцей разам з маці прыехалі з Віцебска ў вёску да бабулі ў госці. Каля 15-й гадзіны чатырохгадовы хлопчык зайшоў з вуліцы ў дом, узяў са стала ў пярэднім пакоі пластыкавую бутэльку і выпіў з яе вадкасць. Як выявілася, у бутэльцы быў 9-адсоткавы раствор воцатнай кіслаты.

Дзіця даставілі ў лякарню. Пасля дапамогі медыкаў хлопчыка адпусцілі дадому.